ANNOUNCEMENT2nd Asia Jadeite Focus Forum @ Hotel Max Nay Pyi Taw on 14th March 2019, 9:00 am to 5:00pm(၅၆)ကြိမ်မြောက် မြန်မာ့ကျောက်မျက်ရတနာပြပွဲ ၊ ၂၀၁၉ ခုနှစ် မတ်လ (၁၁) ရက်နေ့မှ (၂၀) ရက်နေ့အထိ နေပြည်တော် မဏိရတနာ ခန်းမ Mar
  • MYANMAR GEMS AND JEWELLERY

    ENTREPRENEURS ASSOCIATION

ပြည်ထောင်စုဝန်ကြီး ဦးအုန်းဝင်း ကျောက်စိမ်းအတွဲများ ခင်းကျင်းပြသထားမှု ကြည့်ရှုစစ်ဆေး

January, 8 2019

နေပြည်တော် နိုဝင်ဘာ ၉

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းသည် ယနေ့ ညနေပိုင်းတွင် ၂၀၁၈ ခုနှစ် ကျောက်မျက်ရိုင်းများနှင့် ကျောက်စိမ်းအသားကျောက်များ မြန်မာကျပ်ငွေဖြင့် ရောင်းချပွဲအတွက် ကျောက်စိမ်းအတွဲများ ခင်းကျင်းပြသထားမှု အခြေအနေများကို ကြည့်ရှုစစ်ဆေးသည်။

ပြည်ထောင်စုဝန်ကြီးနှင့် အဖွဲ့အား မြန်မာ့ကျောက်မျက်ရတနာရောင်းဝယ်ရေးလုပ်ငန်း ဦးဆောင်ညွှန်ကြားရေးမှူး ဦးအောင်ညွန့်သိန်း၊ မြန်မာနိုင်ငံ ကျောက်မျက်ရတနာ လုပ်ငန်းရှင်များအသင်း ဒုတိယဥက္ကဋ္ဌ ဦးမြင့်ဟန်နှင့် တာဝန်ရှိသူ များက မြန်မာကျပ်ငွေဖြင့် ရောင်းချသွားမည့် ကျောက်စိမ်းအတွဲများ ခင်းကျင်းထားရှိမှု အခြေအနေများကို ရှင်းလင်းပြသကြသည်။

၂၀၁၈ ခုနှစ် ကျောက်မျက်ရိုင်းများနှင့် ကျောက်စိမ်းအသားကျောက်များ မြန်မာကျပ်ငွေဖြင့် ရောင်းချပွဲကို နိုဝင်ဘာ ၁၂ ရက်မှ ၁၇ ရက်အထိ ကျင်းပသွားမည်ဖြစ်ပြီး ကျောက်စိမ်းအတွဲပေါင်း ၃၃၃၉ တွဲနှင့် ကျောက်မျက်အတွဲပေါင်း ၉၆ တွဲ တို့ကို ခင်းကျင်းပြသ ရောင်းချသွားမည်ဖြစ်ကြောင်း သိရသည်။

အဆိုပါ ရောင်းချပွဲသို့ ပြည်တွင်းရတနာကုန်သည် စုစုပေါင်း ၁၀၉၇ ဦး တက်ရောက်ရန် စာရင်းသွင်းထားပြီး ပြည်တွင်းရှိ တစ်ပိုင်တစ်နိုင် ကျောက်မျက်ရတနာလုပ်ငန်းရှင်များအတွက် ကုန်ကြမ်းများရရှိနိုင်ရေးကို ရည်ရွယ်ကျင်းပခြင်းဖြစ်ကြောင်း သိရသည်။

မြန်မာ့အလင်းသတင်းစာ #ကြေးမုံသတင်းစာ